fbpx

Leiðtogafærni þarfnast stöðugrar þjálfunar og löngunar til að ná því besta fram í sér og öðrum

Stjórnendamarkþjálfun

Stjórnendaþjálfun er einstaklega áhrifarík leið til að hjálpa stjórnendum að ná meiri og markvissari árangri í lífi og starfi. Aðferðafræði stjórnendaþjálfunar byggir á viðurkenndri viðtalstækni sem beitt er á sérstakan hátt með það að markmiði að laða fram það besta í hverjum og einum.

Stjórnendaþjálfinn veitir stuðning, aðhald og hvatningu við að gera breytingar og festa nýja starfshætti og venjur í sessi auk þess að skora á viðteknar venjur og vinnubrögð. Dæmi um áskoranir sem stjórnendur standa oft frammi fyrir eru t.d. vald- og verkefnadreifing, úrlausn ágreiningsmála, samskipti við hagsmunaaðila og svo framvegis.

Stjórnendaþjálfun byggir á reglubundnum samtölum stjórnenda við stjórnendaþjálfa. Viðskiptavinurinn velur sér viðfangsefni og stjórnendaþjálfinn leggur fyrir hann krefjandi spurningar sem hjálpa honum að setja sér markmið, efla styrkleika sína og finna áhrifaríkar lausnir.

Þjálfunin er alltaf sérsniðin út frá þörfum hvers og eins.

Leiðtogaþjálfun

Bóka

Hleð inn ...

Umsagnir

  • "Heiða greinir kjarna máls fljótt og vinnur einstaklega vel með hóp að lausnum til árangurs. Fullt hús stiga."

    Sigurjón Örn Þórsson Framkvæmdastjóri
  • “Ég kom til Heiðu með óljósa mynd af því sem mig langaði að gera. Ég vissi ekki hverju ég mátti búast við, en eftir tvo tíma með henni hafði ég skýra mynd af því sem ég ætlaði að gera, öryggi til að ganga í verkið og verkfæri til að láta hlutina gerast. Heiða spurði réttra spurninga og fékk mig til að sjá hlutina frá öðru sjónarhorni en áður. Hún hjálpaði mér að sjá að ég hef alla burði til að láta drauma mína rætast. Ég mun svo sannarlega hitta Heiðu aftur þegar kemur að því að taka næsta skref í atvinnulífinu, hjálp hennar var ómetanleg fyrir mig í því stóra skrefi sem ég svo síðar tók”

    Elín Halldórsdóttir Stofnandi Komma Strik
  • "Aðalheiður er fljót að átta sig á því hvernig hennar reynsla og þekking getur nýst öðrum en á sama tíma leggur hún mikið upp úr því hjálpa fólki að nota sína eigin reynslu og innsæi til að taka ákvarðanir sem henta hverjum og einum. Heiða hefur einnig áralanga reynslu af viðskiptaráðgjöf, stjórnun og mannauðsmálum sem er ótvíræður kostur þegar kemur að markþjálfun.”

    Bjarni Freyr CEO Isafold travel
  • "Aðalheiður kom að mótun þjónustustefnu fyrir Vodafone vorið 2018. Vinnustofan var vel skipulögð og árangursrík. Hún leiddi hópinn markvisst að því að taka ákvarðanir og úr varð fullmótuð þjónustustefna tilbúin til innleiðingar"

    Berglind Hreiðarsdóttir
  • "Ég get hiklaust mælt með markþjálfun Aðalheiðar. Ekki aðeins býr hún yfir miklu innsæi á sviði mannlegra og faglegra samskipta, heldur tekst henni að leiða mann í gegnum áskoranir með það að markmiði að hægt sé að leysa vandamálin af eigin raun með markvissum hætti. Ég er margs vísari og mun nýta mér veganesti hennar til frambúðar"

    Berglind Bragadóttir
  • "Aðalheiður hefur veitt mér og stjórnendum Þjóðskrár Íslands ráðgjöf við innleiðingu sýnilegrar stjórnunar og umbótamenningar. Þar kom fram einstakur hæfileiki hennar að virkja starfsmenn með það að leiðarljósi að ná fram einföldun og samvirkni verkferla svo að þjónusta Þjóðskrár Íslands megi verða betri í dag en hún var í gær."

    Margrét Hauksdóttir Forstjóri
  • „Ný tækni og nýjar kröfur kalla stöðugt á endurskipulagningu í rekstri fyrirtækja og stofnana. Þá kemur sér vel að geta leitað til utanaðkomandi ráðgjafa til að greina stöðuna og útlista mögulegar lausnir. Góður ráðgjafi finnur bestu lausnina og framúrskarandi er sá sem jafnframt smíðar lykilinn að farsælli innleiðingu. Lyklar Heiðu hafa reynst hagleikssmíði og ráðgjöf hennar arðbær fjárfesting."

    Steingrímur Ari Arason fv. forstjóri Sjúkratygginga Íslands.
  • Við hjá Lyfjastofnun höfum fengið Aðalheiði til liðs við okkur í hinum ýmsu verkefnum eins og stefnumótun, innleiðingu stefnu og núna nýlega við markþjálfum. Það er ástæður fyrir að við leitum ítrekað til hennar sem ráðgjafa. Hún hefur góða yfirsýn í opinberan rekstur, er fljót að setja sig inn í málin og er praktísk í úrlausnum. Hún nýtur trausts stjórnenda og starfmanna sem er mikilvægt þegar þarf að innleiða breytingar með aðstoð ráðgjafa.

    Rúna Hauksdóttir Hvannberg Forstjóri Lyfjastofnun
  • Heiða leiddi mig skref fyrir skref í gegnum eina stærstu áskorun sem ég hef tekist á við á mínum starfsferli sem stjórnandi. Innsýn hennar, leiðsögn og hvatning var ómetanlegur stuðningur. Hún hefur einstakt lag á að setja sig inn í aðstæður og greina kjarnann frá hisminu. Ég mæli eindregið með markþjálfun hjá Heiðu.

    Salóme Guðmundsdóttir Icelandic Startups / framkvæmdastjóri
  • Ég er mjög ánægð með að hafa verið í markþjálfun hjá Aðalheiði. Það er mjög gott að tala við hana og hún hefur hjálpað mér við að setja hugmyndir sem ég hef verið með og verkefni til að takast á við eftir starfslok í víðara samhengi. Hún hefur líka verið dugleg við að reyna að ýta mér út fyrir þægindarammann og henni hefur tekist það. Hún er jafnframt góður leiðbeinandi við að takast á við erfiðar aðstæður í daglegu lífi. Þess vegna myndi ég og hef reyndar nú þegar mælt með Aðalheiði sem markþjálfa. Það hefur komið mér þægilega á óvart hversu gott er að fara til markþjálfa til að kortleggja framtíðina sem best.

    Björg Björnsdóttir Lyfjafræðingur

Bóka kynningarfund

Finndu tíma sem hentar þér til þess að byrja

Samtal við þjálfara

Stöðumat og skipulagning þjálfunar

Þjálfun

Hver tími er 60 – 90 mín.

Speglun árangurs og framþróun

Regluleg markþjálfum eykur skuldbindingu þína til árangurs

 

Leiðarljós leiðtogans
– Námskeiðsleiðir fyrir einstaklinga

Þegar við lifum og störfum meðvituð um hvað skiptir okkur mestu máli á þann hátt að það samræmist gildismati okkar höfum við góð tækifæri til að skapa okkur persónulega og nærandi vegferð í leik og starfi.

Að finna og skilja hvernig við náum að vinna að þeim tilgangi sem við teljum mikilvægastan, samkvæmt okkar gildum og náum að nýta hæfni okkar, færir okkur á slóð persónulegrar sköpunar, sem er eitt af því mikilvægasta sem við  getum gert fyrir okkur sjálf. Að hafa skýran skilning á því hvers vegna við veljum okkur vegferð okkar er öflugri en nokkur efnisleg umbun, munnlegt lof eða ástríðan ein og sér.

Á þessu einstaklingsmiðaða námskeiði er unnið með styrkleika og persónulega reynslu og gildismat þátttakenda. Markmiðið er að þátttakandi finni mikilvægustu gildi sín en ekki síður hvað hann brennur fyrir.

Gildi og gildismat okkar geta virkað sem áttaviti þegar kemur að því að taka mikilvægar ákvarðanir í lífi og starfi en ekki síður til þess að ákveða hvaða starfsvettvangur muni til lengri tíma vera eflandi fyrir okkur sem einstaklinga. Gildin geta því verið sem leiðarljós í vegferð okkar.

Hafðu samband

Sendu mér skilaboð og ég hef samband við fyrsta tækiæri.

Ekki læsilegt? Skipta um texta. captcha txt
0